८ कोठे भवनको शिलान्यास

नमुना विद्यालय गुरुयोजना अन्तर्गत यस विद्यालयलाई प्राप्त भएको रकमबाट ८ कोठे भवनको शिलान्यास गरिएको छ । विद्यामान लकडाउनका कारण न्युन व्यक्तिहरुको उपस्थितीमा हेटौंडा उपमहानगरपालिका वडा नं. ४ का अध्यक्ष श्री नविन सिग्देल, विद्यालय व्यवस्थापन समितिका अध्यक्ष श्री चित्तबहादुर वि.क. तथा प्रधानाध्यापक श्री वीरवंश वैठाले संयुक्त रुपमा शिलान्यास गर्नु भएको हो । २०७७ माघ महिनाभित्र सम्पन्न गरिसक्ने गरी कामको थालनी गरिएको उपभोक्ता समितिका सचिव श्री मोहम्मद समिनले बताउनु भयो ।